काठमाडौं १३ भदौ ।। नेकपा एमालेका महाचिव शंकर पोखरेलले अबको निर्वाचनमा एमालेले बहुमत प्राप्त गरी सरकारको नेतृत्व केपी शर्मा ओलीले गर्ने बताएका छन् । पार्टीको प्रचार विभागले आयोजना गरेको कार्यक्रममा पार्टी महासचिव पोखरेलले जनताको अदालतको माध्यमबाट देशलाई सहि बाटोमा डोर्याउनुपर्ने बताएका हुन् ।
पोखरेलले भने, ‘लोकतन्त्रका खम्बाहरु कमजोर बनेका छैनन् । अदालत अदालत जस्तो छैन । सरकार सरकार जस्तो छैन । व्यवस्थापिका व्यवस्थापिका जस्तो छैन । देशलाई फेरि जनताको भरोसाका रुपमा उभ्याउन बलियो नेतृत्वको आवश्यक छ । त्यसैले जनताको समस्यामा साथ दिने केपी शर्मा ओलीलाई भावी प्रधानमन्त्रीका रुपमा उभ्याएका छौं ।
जनतालाई समस्या परेको बेला ओलीले अभिभावकत्व प्रदान गरेको बताए । जनअदालतबाट प्रतिगमनलाई ढाल्ने उनको भनाइ छ। चुनावको माध्यमबाट एमाले बलियो राष्ट्रिय शक्ति हुने उनको दावी छ ।
