पर्सा, ०३ असोज ।। पर्सामा धारिलो हतियार प्रहार गरी घरभित्रै एकल महिलाको हत्या भएको छ । हत्या हुनेमा जगरनाथपुर गाउँपालिका ५ मसियानीकी ५५ वर्षीया कान्तीदेवी बिन छन् ।
हिजो मंगलबार अपराह्न ४ बजे उनको शव हत्या भएको अवस्थामा घरभित्रै ओछ्यानमा फेला परेको पर्साका प्रहरी प्रवक्ता डिएसपी कुमार विक्रम थापाले जानकारी दिए ।
घरमा एकलै बस्दै आएकी बिन हिजो दिउँसो सम्म नउठेपछि स्थानीयले घर खोलेर हेर्दा हत्या भएको अवस्थामा देखेर प्रहरीलाई खबर गरेका थिए । उनको छोराछोरी भए पनि बिवाह गरेर अलग्गै बस्दै आएका छन् । उनको सोमबार राति नै हत्या भएको हुन सक्ने प्रहरको अनुमान छ ।
हत्यामा संलग्न हुन सक्ने आशंकामा दुईजनालाई नियन्त्रणमा लिएर अनुसन्धान गरिरहेको डिएसपी थापाले बताए ।
