रौतहट, १७ कार्तिक ।। रौतहट जिल्लाको माधव नारायण नगरपालिका जिल्ला स्तरीय १० किलोमिटर दौड प्रतियोगिता भव्यताका साथ सम्पन्न भएको छ । नेपाल समाज विकास केन्द्र माधव नारायण न.पा-२ खेसरहिया द्वारा आयोजित जिल्ला स्तरीय १० किलोमिटर दौड म्याराथन प्रतियोगिता भव्य एंवम भव्य रुपमा सम्पन्न भएको छ ।
उक्त कार्यक्रममा प्रमुख अतिथि नगर प्रमुख बैजनाथ (बैजु) यादव, विशिष्ट अतिथि उप प्रमुख निर्मला देवी रमण, ई. नगेन्द्र प्रसाद यादव, नेपाल समाज विकास केन्द्र माधव नारायण नपा-२ खेसरहिया का अध्यक्ष नितेश कुमार यादवको अध्यक्षतामा प्रतियोगिता संपन्न भएको थियो ।
श्री सरस्वती मा. वि. खेसरहियाको प्राङ्गणमा १५० जना प्रतिभागी मध्ये केटा तर्फ ५ जना कविन्द्र कुमार शर्मा ज. स. न. ११५ गरुडा-४ प्रथम, संदिप कुमार महतो ज. स. न. ९५ परोहा-३ द्वितीय, हरे कृष्ण राम ज. स. न. ०४ खेसरहिया-२ तृतीय, राहुल राम ज. स. न. ११६ गरुडा न.पा चतुर्थ, अकलेश कुमार पटेल ज. स. न. १२० देवाही गोनाही पाचौं केटी तर्फ मृता कुमारी सहनी ज. स. न. ४२ गढो भगवानपुर-९ प्रथम, फुलकंचन सहनी ज. स. न. ४३ गढो भगवानपुर द्वितीय, अनिसा कुमारी सहनी ज. स. न. ४१ गढो भगवानपुर तृतीय, अमृता रजक ज. स. न. १४३ खेसरहिया-२, मनिषा कुमारी यादव ज. स. न. ८५ देवाही गोनाही पाचौं स्थान हासिल गरेको छ ।
प्रतियोगितामा ५ जना उत्कृष्ट गर्ने प्रथम गर्ने लाई ११०००/- द्वितीय गर्ने लाई ९०००/- तृतीय गर्ने लाई ७०००/- चतुर्थ गर्ने लाई ३०००/- पाचौं स्थान गर्ने लाई २५००/- नगद सम्मान सहित पुरस्कार प्रदान गरिएको छ ।
उक्त कार्यक्रममा नगर प्रमुख यादव आफ्नो मन्तव्य राखदै नगर लगायतका खेलमा रुचि राख्ने खिलाडि लाई आफ्नो साथ सहयोग रहने प्रतिबद्धता समेत गरेका छन । खेल समाज बिकास, उत्थानको लागि महत्वपूर्ण रहेको उनले बताए ।
उक्त कार्यक्रम लाई शिक्षक निरन्जन यादवले उद्घोष गरेका थिए । कार्यक्रममा समाजसेवी, सुरक्षाकर्मी, संचारकर्मी लगायत भद्रभलादमीहरुको उपस्थिति रहेको थियो ।
