राैतहट,२९ असाेज ।। जिल्ला जिल्लाको चन्द्रपुर नगरपालिका –४ स्थित पुर्व पश्चिम लोकमार्ग अन्तर्गत पर्ने लमहा खाेलामा बेवारिसे शव फेला परेको छ । आईतवार दिउँसो १२ बजेकाे समयमा शव फेला परेको हो । जिल्ला प्रहरी कार्यालय राैतहटका प्रवक्ता डिएसपी दामाेेदर केसीले दिएको जानकारी अनुसार अन्दाजी ४०/४२ वर्षको महिलाको शव फेला परेको जानकारी दिनुभयो ।
उहाँका अनुसार हालसम्म उक्त शवको पहिचान हुनसकेको छैन । ईलाका प्रहरी कार्यलय चन्द्रनिगाहपुरले प्रारम्भीक अनुसन्धानका कार्यहरु पुरा गरी उक्त लाश प्रादेशिक अस्पताल रौतहट,गौरको शव गृहमा राखेकाे प्रहरीले जनाएको छ । उक्त मृत लाश चिन्नु हुने व्यक्ति तथा मृतकको आफन्तले जिल्ला प्रहरी कार्यालयमा सम्पर्क राख्नहुन अनुरोध गरिएको छ ।
उक्त शवकाे हुलिया ठिकको शरिर,उचाई ४ फिट ४ ईन्च, कालो रंगको भेष्ट र दाँया हातमा रातो चुरा लगाएको,कपाल छोटो,हेर्दा मंगोलिएन मुलको जस्तो देखिने अन्दाजी बर्ष ४०/४२ को महिला रहेकाे ईप्रका चन्द्रनिगाहपुरले जनाएको छ ।
